Alda Nielsdóttir
Í minsta lagi 841 fólk eru avrættað í Iran higartil í ár, vísir uppgerð frá ST-stovninum fyri mannarættindi, OHCHR sambært tíðindastovunum Ritzau og AFP.
Bert í juli avrættaðu iranskir myndugleikar 110 fólk, og tað eru tvífalt so nógv sum í juli í fjør. Talið á avrættingum fyrra hálvár 2025 var eisini økt munandi í mun til fyrra hálvár 2024.
Fyrstu seks mánaðirnar av árinum vórðu í minsta lagi 289 fólk avrættað fyri lógarbrot, sum høvdu við rúsevni at gera. Onnur eru eisini dømd til deyða fyri eitt nú at vera fíggindarliga sinnaður móti gudi, m.a. í sambandi við mótmælini í Iran í 2022 í kjalarvørrinum av, at ein ung kurdisk kvinna doyði í varðhaldi hjá løgregluni.
Mannarættindas hjá ST stúrir fyri vantandi rættartrygd í sambandi við mál um deyðarevsing, og at nógv verða dømd til deyða á veikum grundarlagi.
Í 2024 vórðu tilsamans 975 fólk avrættað í Iran.
Vinarliga broyt tínar kennifíla - og privatlívsstillingar fyri at síggja hetta innihald