Í dag er aðalfundur hjá Føroya Pedagogfelag

Í dag hevur Føroya Pedagogfelag aðalfund á Hotel Føroyum, har tað m.a. verður greitt, hvør skal standa á odda fyri felagnum komandi trý árini.

Sitandi formaðurin, Jógvan Philbrow hevur verið í sessinum, síðan hann varð valdur fyrstu ferð í 2015, og er hann afturvaldur tvær ferðir uttan mótvalevni. Men í ár verður hann bjóðaður av av Sannu á Løgmansbø, leiðari á dagstovninum Birkilund í Havn.

Umframt val av forfólki, skulu fólk eisini veljast í nevndina og tey trý ráðini í felagnum, Námsfrøðingaráðið, Leiðararáðið og Hjálparfólkaráðið.

Limir felagsins hava atkvøtt talgilt í tíðarskeiðnum 14. februar til 1. mars.