Hummarasuppa kann vera vandamikil

Heilsufrøðiliga Starvsstovan ávarar nú um eina danska suppu, sum fæst til keyps í føroyskum handlum í bikari við 375 grammum í.

Talan er um eitt partí av Bornholms Hummarasuppu, sum framleiðarin, Amanda Seafoods a/s, nú kallar aftur. Talan er um suppu, ið er framleidd 3. apríl í ár millum kl. 14.32 og 16.37 sambært upplýsingunum á bikarinum.

Amanda Seafoods hevur upplýst, at orsøkin til afturkallingina er, at ein feilur er komin fyri í hitaviðgerðini av suppuni, og vøran tí kann vera heilsuskaðilig, skrivar heimasíðan hjá Heilsufrøðiligu Starvsstovuni.

Heilsufrøðiliga mælir til at burturbeina vøruna ella lata hana aftur hagar hon er keypt