Hótti og brúkti harðskap móti løgreglufólki

Ein persónur verður í morgun grundlógaravhoyrdur fyri at hava hótt og brúkt harðskap móti einum løgreglufólki.

Tað var í sambandi við eina hending í gjár, har løgreglan legði seg uppí eina illstøðu millum tveir persónar, at løgreglan bleiv hótt, og eitt løgreglufólk bleiv sparkað í andlitið.

Ein persónur bleiv skuldsettur, og vísti tað seg, at viðkomandi er skuldsettur fyri líknandi mál fyrr í ár. Tí ynskir mann at royna at fáa hann varðhaldsfongslaðan, sigur vaktleiðarin á løgreglustøðini í Havn.