Henrik Dam Kristensen verður fólkatingsformaður

Tað verður royndi sosialdemokratiski fólkatingslimurin, Henrik Dam Kristensen, sum tekur yvir formanssessin, tá fólkatingið kemur saman í dag. Tað veit blaðið Jyllands-Posten at siga.

Forkvinnan fyri danska javnaðarflokkin, Mette Frederiksen, hevur fingið stuðul fyri at velja roynd politikaran til tingformann.

Fyrrverandi postmaðurin hevur drúgvar royndir í politikki. Hann hevur verið ráðharri fleiri ferðir, og seinastu tingsetuna, meðan Pia Kjærsgaard hevur verið fólkatingsforkvinna, hevur Henrik Dam Kristensen eisini verið partur av formansskapinum.

Fólkatingið kemur saman at velja formansskapin í morgin.