Helt ikki víkiskylduna

Í gjár endaðu tveir bilar í einum ferðsluóhappi í Hósvík.

Ein bilur, sum kom koyrandi úr bygdini helt ikki víkiskylduna og rendi á ein annan bil.

Eingin fólkaskaði var, men bilarnir fingu skaða, upplýsir vaktleiðarin á løgreglustøðini í Havn.

Førarin var útlendingur, og bilurin, sum hann koyrdi við, var ein leigubilur. Viðkomandi var á veg av landinum, og tí varð málið avgreitt beinanvegin við bót á 2.000 krónur.

Kemur hesin aftur til Føroya, skal hann upp til nýggja koyriroynd, áðrenn hann sleppur at koyra bil í Føroyum aftur.