Helt at ein prutlførari koyrdi ov nær - bremsaði brádliga

Eitt løgið ferðsluóhapp í Leirvíkstunlinum seinnapartin í gjár.

Vaktleiðarin á løgreglustøðini greiðir í morgun frá, at ein bilførari hevði ampa av, at eitt prutl koyrdi so nær aftanfyri. Bilførarin gjørdi ikki mætari enn at bremsa brádliga, og tað hevði við sær, at prutlið rendi í reyvina á bilinum.

Prutlførarin fekk ikki stórvegis skaða, men bæði prutlførarin og bilførarin fingu bót.

Bilførarin bleiv skuldsettur fyri at bremsa so harðliga, og prutlførarin fyri ikki at halda nóg stóra frástøðu og fyri bygnaðarbroytingar á prutlinum.