Heimasíður kring allan heimin trupulleikar - Portalurin eisini raktur

Fleiri av teimum stóru heimasíðunum og nettænastunum kring allan heimin hava trupulleikar í dag.

Hesin sami trupulleiki hevur eisini ávirkað fleiri heimasíður í Føroyum. Har í millum Portalin, Vp.fo, In.fo, Jn.fo og aðrar.

Talan er um veitaran Cloudflare sum hevur tekniskar trupulleikar. Amerikanska Cloudflare er ein av stóru veitarunum til heimasíður, appir og aðrar tænastur.

Vælumtókta Cloudflare, sum verður brúkt av milliónum av heimasíðum, betrar um trygdina og brúkar servaraorkuna betri.

Hetta hevur ávirkað stórar altjóða tænastur sum Chatgpt, X, Spotify og aðrar tænastur.

Dagføring kl. 15.42: Trupulleikin er loystur.