Ingi Samuelsen
Fyri fyrstu ferð eru Føroyar í ár umboðaðar í øllum fimm kategoriunum í virðislønum Norðurlandaráðsins. Hetta er eitt frambrot fyri føroyska list og mentan.
Og hóast sjálv handanin av virðislønunum ikki verður fyrr enn um eina viku, so verður tað í dag kunngjørt hvørji fáa tær ymisku virðislønirnar.
Norðurlandahúsið hevur valt at hátíðarhalda hesa stórhending við almennari móttøku í dag klokkan 17 har tey føroysku tilnevndu verða fagnað.
Seinni í kvøld, kl. 18, vísir Norðurlandahúsið føroyska filmin “Seinasta paradís á jørð”, ið er tilnevndur filmsvirðisløn Norðurlandaráðsins – hetta er fyrstu ferð ein føroyskur filmur er tilnevndur hesa virðisløn.
Vinnararnir av virðislønum Norðurlandaráðsins 2025 verða kunngjørdir sama dag.
Øll eru hjartaliga vælkomin í Norðurlandahúsið at vera við at hátíðarhalda hetta søguliga kvøldið saman við okkum.
Tey tilnevndu úr Føroyum eru:
- Umhvørvisvirðislønin 2025: Hugla
- Barna- og ungdómsbókmentavirðislønin 2025: Elin á Rógvi og Silja Eystberg: Fornt, Bókadeild Føroya Lærarafelags.
- Bókmentavirðislønin 2025: Vónbjørt Vang: Svørt orkidé, yrkingar, Forlagið Eksil, 2023.
- Filmsvirðislønin 2025: Seinasta paradís á jørð, leikstjóri: Sakaris Stórá, handritahøvundar: Mads Stegger og Tommy Oksen, framleiðari: Jón Hammer.
- Tónlistavirðislønin 2025: Brimheim.
Sjálv handandanin av Norðurlendsku virðislønunum verður í Stockholm komandi týskvøld. Virðislønirnar eru á 300.000 danskar krónur.
Vinarliga broyt tínar kennifíla - og privatlívsstillingar fyri at síggja hetta innihald