Harðskapur á gistingarhúsi

Løgreglan kannar í løtuni eitt mál um harðskap móti tveimum persónum á einum gistingarhúsi í høvuðsstaðnum.

Um klokkan 21 í gjárkvøldið ringdu órættaðu úr kamari teirra at boða frá hendingini, og løgreglan kom á staðið og handtók gerningsmannin.

Gerningsmaðurin er enn á løgreglustøðini, og málið verður kannað víðari í dag, sigur vaktleiðarin á løgreglustøðini í Havn, sum í løtuni ikki kann upplýsa meira um málið.