Hanna Vang heldur fram sum løgtingsins umboðsmaður

Hanna Vang hevur virkað sum løgtingsins umboðsmaður síðani 1. januar 2021. Og hetta skal hon framhaldandi gera - til ársenda 2030.

Hetta hevur løgtingið einmælt samtykt í dag, sambært Kringvarpinum.

Val av Løgtingsins umboðsmanni stóð sum punkt nummar tvey á drúgvu dagsskránni fyri tingfundin.

Sí eisini: Løgmaður og landsstýrisfólk skulu standa til svars til einaferð út á seinnapartin

Hanna Vang er útbúgvin løgfrøðingur og hevur royndir sum fulltrúi. Hon viðger ymisk mál og klagur, sum koma inn.

Hvørt skeið hjá løgtingsins umboðsmanni er fimm ár.