Hálka í skýmingini

Tað er vorðið hált í fleiri støðum nú tað fór at skýma, og løgreglan fær í løtuni fleiri fráboðanir um hálku kring alt landið.

Landsverk hevur alla manning á vakt og tað verður saltað fleiri staðni. Tað er longu saltað á Høgareyni, Oyggjarvegnum, millum Fjarða, Æðuvík og á Oyndarfjarðarvegnum.

Árni Jacobsen, økisleiðari hjá Landsverki, sigur við útvarpið, at tað kann væntast at vera hált í alt kvøld, og tað verður saltað har tað er neyðugt.

Hann heitir á fólk um at vera ansin í ferðsluni.