Góð ráð í sambandi við valplakatir

24. mars verður fólkatingsval, og 26. mars verður løgtingsval, og hetta merkir, at vit komandi tíðina fara at síggja hópin av plakatum við myndum av øllum valevnunum, sum bjóða seg fram.

Í hesum sambandi hevur Landsverk nøkur ráð um staðsetingar av valplakatum.

Ráðini eru soljóðandi:

• Valplakatirnar mugu ikki vera til ampa fyri ferðsluna, órógva útsýnisviðurskiftini á vegnum, ella fjala ferðsluskelti.
• Valplakatir eiga ikki at verða settar í rundkoyringum og ferðsluoyggjum.
• Heingið ikki valplakatir á steyrar við ferðsluskeltum, ella aðrari góðkendari ferðslumerking.
• Valplakatir kunnu heingjast á lyktasteyrar, ella annan útbúnað, sum er gjørdur til endamálið.
• Heingið valplakatirnar minst 2,3 m yvir gongu- ella súkklubreyt og minst 0,5m frá vegjaðara.
• Festið plakatirnar forsvarliga á vegurdyggar plátur og á ein slíkan hátt, at tær ikki gera skaða á lyktasteyrar, garðar o.a.