Gjørdu fleiri skúlakanningar gjáramorgunin

Løgreglan hevur gjørt fleiri kanningar av morgunferðsluni við skúlum kring landið seinastu tíðina, og gjáramorgunin var løgreglan aftur úti og gjørdi kanningar.

Kanningar vórðu gjørdar av morgunferðsluni við Skúlan á Fløtum í Havn, við skúlar í Klaksvík og við skúlan í Kollafirði.

Hendan morgunin vísti tað seg at bilførararnir høvdu sítt í ordan. Serliga verður hugt eftir um tey, sum sita í bilinum sita í trygdarbelti, og at børnini sita eftir teimum krøvum, sum verða stillaði teimum minstu í bilunum.