- Vit eru ógvuliga kedd um støðuna og góðtaka als ikki slíkt. Leiðsla, lærarar og starvsfólk taka støðuna í størsta álvara, og gera alt vit kunnu fyri, at næmingar og foreldur skulu kenna seg trygg.
Tað sigur eftirskulin í Skálavík, Brúgvin, í einari fráboðan á heimasíðu sínari eftir at tað í gjár kom fram, at eitt mál um kynsligan ágang á skúlanum er meldað til løgregluna.
Talan er um eitt mál um kynsligan ágang millum eitt starvsfólk og ein næming.
Leiðslan á kristiliga eftirskúlanum váttar, at málið er fráboðað til løgregluna 13. februar. Starvsfólkið, sum talan er um, er burturvíst av skúlanum. Øll foreldur vórðu kunnað eftir fráboðanina.
Løgreglan kannar málið.
Vinarliga broyt tínar kennifíla - og privatlívsstillingar fyri at síggja hetta innihald