Faroe Pride verður seinnapartin

Klokkan 16 fer Pride-skrúðgongan til gongu frá Tórsvølli og setur kósina oman móti Vaglinum.

Upphitingin byrjar við Tórsvøll klokkan 15, og tað verður ókeypis andlitsmáling og fløgg verða deild út.

- Elisa Vang fer at fáa lív í fjøldina við góðum slagorðum og skrálum. Komin oman á Vaglið verður ókeypis konsert við Marionnu Winter, Marius DC, Nalju, Siriously og Sissal. Miss Boogie verður vertur og fer at leiða okkum gjøgnum tiltakið, og Elsa Berg, borgarstjóri, fer at halda røðu, sigur LGBT+ Føroyar.

Í ár eru liðin 20 ár, síðani fyrsta pride'in var í Føroyum.