Galaxy siglir ikki í dag

Tað verður ikki møguligt at ferðast sjóvegis millum Suðuroy og Havnina í dag. Strandferðslan boðaði fyrrapartin frá, at øll siglingin hjá Galaxy í dag er avlýst.

Siglingin í morgin, leygardagin, verður eisini broytt eitt sindur. Túrurin av Krambatanga klokkan 7 er framskundaður til klokkan 6, og túrurin úr Havn kl. 10.30 er framskundaður til kl. 9.30.

Eftir hetta verður siglt sambært galdandi ferðaætlan, framgongur á heimasíðuni hjá Strandferðsluni.

Strandferðslan upplýsir eisini, at tað møguliga verða gjørdir eykatúrar við tyrluni til Suðuroyar. Nærri kunning um hetta kemur seinni í dag.