Innanlands

Funnu útvið 10 kilo av hassji í persónbili í Havn

Eitt átak hjá løgregluni og Taks førdi í gjárkvøldið til, at 10 kilo av hassji vóru funnin. Trý fólk eru handtikin í málinum

(Mynd: Jens Kr. Vang)

(Mynd: Jens Kr. Vang)

2023-05-25 16:17 Author image
Sverri Egholm
placeholder

Eitt felags átak hjá Føroya Politi og TAKS førdi í gjárkvøldið til, at funnin vóru knappliga 10 kg av hashi í einum persónbili í Havn

Fólkini, ein maður og ein kvinna, sum vóru í bilinum, vóru handtikin. Handtøkan førdi við sær, at ein maður afturat varð handtikin umborð á einum skipi, sum stutt frammanundan var komið til Føroya úr útlondum.

Øll trý fólkini vóru av ákæruvaldinum framstillað í grundlógaravhoyring í Føroya Rætti seinnapartin í dag.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder