Funnu lívleysan mann uttanfyri

Løgreglan fekk stutt eftir klokkan 13 í gjár fráboðan um, at ein lívleysur persónur var funnin uttandura í Fuglafirði.

Hetta upplýsir vaktleiðarin á løgreglustøðuni í morgun um hendingina í Fuglafirði í gjár, tá løgreglufólk í stórum tali vóru til staðar.

- Hetta førdi við sær, at løgreglan í fleiri tímar gjørdi kanningar á staðnum. Málið er ikki liðugt kannað enn og tí hava vit ikki fleiri viðmerkingar, sigur vaktleiðarin.

Løgreglan er ikki longur á staðnum.

Atsóknin hjá løgregluni fór fram á Bøvegi og har í økinum í Fuglafirði. Alvápnað løgreglufólk, fólk í dna-draktum hundar og dronur vóru at síggja.

Sm skilst er talan um ungan mann.