Fullur maður órógvaði ferðslu í Steinatúni

Um middagsleitið í gjár fekk løgreglan fráboðan um at ein fullur maður stóð í Steinatúni og órógvaði ferðsluna og var ólátaður.

Farið varð á staðið og tað endaði við at maðurin bleiv skuldsettur fyri brot á skilhaldsreglurnar umframt fyri ikki at vilja upplýsa sítt navn fyri løgregluni.

Harvið kostaði hendan løtan honum 2500 krónur.

Maðurin varð eisini handtikin og lá og svav í nakrar tímar á støðini áðrenn hann varð leyslatin aftur.