Friðarligur Norð Festivalur men nógv fólk

Í nátt hava nógv fólk verið at sæð í náttarlívinum, m.a. í sambandi við Norð Festivalin á Viðareiði, og hevur løgreglan havt úr at gera við at hjálpa fólki, sum høvdu fingið ov nógv niðurum, sigur vaktleiðarin á løgreglustøðini í Havn.

Fleiri sjúkrabilar eru sendir, m.a. til Viðareiðis eftir fólki, sum eru komin illa fyri, men samarittar vóru eisini á staðnum, og gjørdu teir sum vant eitt gott arbeiði, og eydnaðist Norð Festivalurin heilt væl, leggur vaktleiðarin afturat.

Eitt fólk var tikið við á støðina at sova rúsin av sær, tí mett var, at viðkomandi ikki fekk ansað sær sjálvum.