Friðarlig nátt hjá løgregluni

Í nátt hevur veðrið ikki verið av tí allarbesta, og tað er helst orsøkin til, at fá fólk hava verið at sæð í býnum.

Náttin hevur eisini verið friðarlig hjá løgregluni.

Løgreglan hevur verið runt á skeinkistøðunum, og tá skeinkistøðini lótu aftur, fingu tveir manns bót. Tann eini fyri brot á politiviðtøkurnar, og hin fyri ikki at siga hvør hann var, tá løgreglan spurdi.

Klokkan hálvgum sjey í morgun fekk løgreglan boð um, at onkur hevði framt herverk á einum almennum vesi undir Bryggjubakka í Havn.

Annars hevur verið friðarligt, sigur løgreglan.