Frí - nýggj skaldsøga eftir Jónu Joensen

Jóna Joensen úr Syðrugøtu gevur nú út skaldsøguna "Frí".

Bókin verður m.a. lýst soleiðis:

FRÍ er ein skemtilig bók til ung sum eldri við íblástri til matgerð, lívsstíl, sjálvbjargni, skapandi lív og gleðina at vera á ferð. Ein bók um forvitni, útilív og frísinnaði menniskju, sum finna gleðina í tí einfalda og siðbundna – við hjarta, hondum og hugflogið.

Bókin er skrivað sum skaldsøga, men hon kann eisini nýtast sum ein kókibók, har lesarin finnur alskins uppskriftir.

Jóna er búsitandi í Sveis, og íblásturin til "Frí" kemur frá bæði uppvøkstrinum í Føroyum, ferðum kring knøttin og lívinum á garðinum í Sveis, sum hon, saman við manni sínum Thomas, hevur umskapað til eitt gistingarhús og eina sjálvbjarna oasu við grønmeti, fruktum, urtum og víni.

Á garðinum finna trý ættarlið gleðina at skapa frá grundini. Afturat ból og bita bjóðar Jóna coaching og leirskeið í Ryfflihaus. "Frí" er hennara fyrsta bók.

Í sambandi við bókaútgávuna verða bókaframløgur á hesum støðum:

• Sands Bókasavn mikukvøldið 29. oktober, kl. 19
  
• HNJ Gamli Bókhandil hósdagin 30. oktober, kl. 16.30
  
• Fiskastykkið Sandavágur leygardagin 1. november kl. 12.00
  
• Testovan Marin Malena á Biskupsstøðgarðurin Klaksvík sunnudagin 2. november. kl. 16
  
• Seglloftið á Tvøroyri mánadagin 3. november kl. 16.30
  
• Býráðshúsið Norðagøta mikukvøldið 5. november. kl. 19