Fosturtøkulógin til fyrstu viðgerð hósdagin seinnapartin

Eitt av málunum, sum varð lagt fram á stutta tingfundinum í dag har fá tingfólk vóru til staðar, var fosturtøkumálið.

Les eisini: Fosturtøkumálið verður lagt fram aftur

Tað er so at siga tað sama, sum Bjarni Kárason Petersen legði fyri Løgtingið í fjør.

Felda málið (15-15 í atkvøðum) verður roynt aftur, nú samansetingin í júst tingbólkinum hjá landsstýrismanninum í lógarmálum. Hesaferð eru tað fýra tingfólk, ið leggja málið um fría fosturtøku til og við viku 12 fram:  Ingilin Didriksen Strøm úr Javnaðarflokkinum, Karlot Hergeirsson úr Framsókn, Hervør Pálsdóttir úr Tjóðveldi og Eyðdis Hartmann Niclasen úr Sambandsflokkinum.

Uppskotið er so at siga júst tað sama hesaferð. Tó er "etiski klasulurin" hjá heilsustarvsfólki við -  møguleikin at verða frítikin fyri at fremja ella viðvirka til fosturtøku. Hetta var nakað, sum varð mælt til at fáa við í fjør eisini.

Til ber at lesa uppskotið her

Móti endanum av dagsins tingfundi las Jóhannis Joensen frá formanssessinum skránna upp fyri tingfundin hósdagin 25. september. Har er fosturtøkumálið millum tey níggju málini - ta síðsta í tí sum kann gerast ein ógvuliga drúgvur tingfundur.

Skráin fyri hósdagin