Fólk í Haldórsvík enn biðin um at kóka vatnið

Fólk í Haldórsvík verða framvegis biðin um at kóka drekkivatnið, eftir at Sunda kommuna fríggjadagin boðaði frá, at bakteriur vórðu staðfestar í vatninum.

Boðað varð frá, at bakteriur vórðu staðfestar í drekkivatninum í fleiri bygdum - Haldórsvík, Nesvík, Norðskála, Oyrarbakka og Oyri.

Vatnið er tó reint aftur allastaðni uttan í Haldórsvík, sigur kommunan í einari dagføring.