Fleiri fráboðanir um smærri stormskaðar

Fitt av vindi hevur verið um vikuskiftið, og í hesum sambandi hevur løgreglan eisini fingið fleiri fráboðanir um stormskaðar.

Vakthavandi á løgreglustøðini í Havn upplýsir, at tey hava fingið uml. 15 fráboðanir í gjár og í nátt.

Talan hevur tó ikki verið um nakað álvarsamt. Í flestu førum hevur verið talan um leyst tilfar, sum er farið í vindinum, men ein fráboðan kom eisini um ein rút, sum var sogin út.

Fráboðanirnar eru komnar úr øllum landinum, m.a. úr Norðdepli, Fuglafirði, Klaksvík, Vatnsoyrum og Streymnesi.