Tíðindaskriv
Í góðveðrinum í gjár, sunnudagin 12. august, varð BankNordik Open 2018 leikt á golfvøllinum á Glyvurnesi. Teir 24 leikararnir (23 mans og ein kvinna) høvdu ein sera góðan dag á vøllinum. Serliga tann einsamalla kvinnan, sum gjørdist vinnari av kappingini.
Kappingin var skipað sum ein stableford-kapping við fullum handikappi. Umframt vanligu kappingina yvir 18 hol, var eisini ein kapping fyri tey fyrstu 9 holini.
Harumframt var kapping millum liðini. Tey sum fóru út saman vóru eitt lið. Eisini var kappast um at vera næst holinum á teimum báðum stuttu holunum (par 3-holunum).
Úrslitini gjørdust:
Næst holunum: Janus Norðberg, 20 sentimetrar, Rói Egholm, 222 sentimetrar.
Á vinnandi liðnum við 102 stigum vóru: Finngerð Hansdóttir, Páll Kjærbo og Eyðun av Reyni.
Vinnandi liðið
Nr. 1 á teimum fyrstu 9 holunum: Jógvan Amonsson, 22 stig.
Høvuðskappingin yvir 18 hol:
Nr. 1: Finngerð Hansdóttir, 42 stig
Nr. 2: Jens Chr. Guttesen, 41 stig
Nr. 3: Janus Norðberg, 35 stig
Allir luttakararnir fingu hvør sína eskju við frálíkum golfbóltum frá BankNordik. Jón Brekku, deildarleiðari í BankNordik, handaði vinnarunum vinningarnar.
Tórshavnar Golffelag takkar BankNordik fyri stuðulin til hetta frálíka tiltakið.
Vinarliga broyt tínar kennifíla - og privatlívsstillingar fyri at síggja hetta innihald