Ferðsluóhapp í Eysturoyartunlinum - stongja tunnilin

Løgreglan boðar frá, at Eysturoyartunnilin í løtuni er stongdur fyri allari ferðslu.

Orsøkin er, at eitt ferðsluóhapp er hent í rundkoyringini í tunlinum.

Í skrivandi stund veit løgreglan ikki nakað stórvegis um ferðsluóhapp. Vaktleiðarin fær í løtuni heldur ikki upplýst um fleiri enn ein bilur er í óhappinum.

Tunnilin er stongdur fyri at fáa arbeiðsfrið og fyri at fáa greiði á, hvat er hent. Neyðsynjarakfør eru á veg.

Óvist er hvussu leingi tunnilin verður stongdur. Víst verður til gamla vegin.