Ferðsluóhapp á Hoyvíksvegnum

Stutt eftir klokkan níggju í morgun varð boðað frá einum ferðsluóhappi á Hoyvíksvegnum í Havn.

Ein bilur var í óhappinum, og bara førarin var í bilinum.

Løgregla, sjúkrabilur og sløkkilið vórðu send á staðið.

Vaktleiðarin á løgreglustøðini í Havn upplýsir, at materielli skaðin var so stórur, at førarin mátti klippast úr bilinum, og førarin varð koyrdur á Landssjúkrahúsið til nærri kanningar.