Ferðamannaskipini hómast í mjørkanum

Mjørkin liggur tjúkkur í Nólsoyarfirði og myndamaður okkara nýtti høvið at taka mynd av ferðamannaskipunum, sum hómast í mjørkanum í Havn.

Ferðamannaskipini, sum eru í Havn í dag, eru Star Pride og Queen Victoria. Star Pride, sum er 135 metrar langt, er komi úr Molde í Noregi og er á veg til Reykjavíkar. Queen Vicorita, sum er 294 metrar langt, er komi úr Reykavík ávegis Southampton.

Nógv ferðamannaskip vitja høvuðsstaðin um summarið, og hetta sæst eisini týðiliga aftur í miðbýnum, sum er á tremur við ferðafólki.