Explor’arin farin á pensjón

KT-fyritøkan Microsoft hevur nú sett internet-kagan, Internet Explorer, á pensjón.

Internet Explorer var í nógv ár tann nógv mest brúkti kagin, men varð síðani yvirhálaður av meira framkomnum kagum, serliga Google Chrome og Mozilla Firefox.

Tá Internet Explorer var mest útbreiddur, var marknaðarparturin heili 90 prosent.

Tað er nú eitt ár síðan, at Microsoft boðaði frá, at 26. árið hjá Internet Explorer fór at verða tað seinasta.

Microsoft leggur nú sítt álit á kagaran við navninum Microsoft Edge.