ES-sendiharrar innkallaðir til skundfund í dag

ES-sendiharrar eru kallaðir inn til skundfund í Brússel í dag um Grønland og hóttanirnar um toll hjá amerikanska forsetanum, Donald Trump.

Tað upplýsir Kýpros, sum hevur ES-formansskapin í løtuni sambært Ritzau.

Donald Trump ávaraði fríggjadagin um, at hann kundi verða noyddur at leggja revsitoll á lond, sum vóru ímóti ætlanum hansara um at yvirtaka Grønland, og leygardagin boðaði hann frá á sosiala miðlinum Truth Social, at hann fór at leggja tíggju prosent í toll á Danmark og sjey onnur evropeisk lond, sum hava sent herfólk til Grønlands.

Fundurin verður eftir ætlan seinnapartin.

Les eisini: Nú hóttir Trump við revsitolli