Alda Nielsdóttir
Ein av komandi døgunum fer ES-forsetin, António Costa at kalla inn til eykatoppfund í Evroparáðnum orsakað av spentu støðuna um Grønland, boðar hann frá á sosiala miðlinum X.
Fráboðanin kemur í kjalarvørrinum á hóttanum hjá amerikanska forsetanum, Donald Trump um at leggja toll á Danmark og sjey onnur evropeisk lond frá 1. februar, eftir at hesi londini hava sent herfólk til Grønlands.
Amerikanski forsetin hevur hildið fast í ætlanum sínum um at yvirtaka Grønland, hóast bæði Danmark og Grønland hava sagt, at Grønland er ikki til sølu, og Trump hóttir nú við at leggja revsitoll á vørur úr øllum londum, sum eru ímóti ætlanum hansara um at yvirtaka Grønland.
Á fundinum í Evroparáðnum luttaka stjórnarleiðarar úr øllum ES-londunum umframt forkvinnan í ES-nevndini.
Eitt embætisfólk í ES sigur, at umhugsað verður at hava fundin við fysiskari uppmøting hósdagin 22. januar, skrivar Ritzau.
ES-londina hava umhugsað eitt felags aftursvar til tollin hjá Trump, og sunnudagin vóru ES-sendiharrar innkallaðir til skundfund. ES-forsetin skrivar, at hann hevur váttað, at ES-londini stuðla Danmark og Grønlandi.
Ónevndar keldur siga við tíðindastovuna Reuters, at ES-sendiharrarnir sunnudagin samdust um fyrst at royna at tosa við Trump og mæla honum frá at áleggja tollin. Semja er tó eisini um at fyrireika eitt aftursvar, um tollurin kemur í gildi.
Vinarliga broyt tínar kennifíla - og privatlívsstillingar fyri at síggja hetta innihald