Einki vatn á eystursíðuni í Klaksvík

Fleiri fólk í Klaksvík uppliva nú, at tey einki vant hava - ella í besta føri hava avmarkað trýst á.

Hetta er galdandi fyri øll, sum búgva á eystursíðuni í Klaksvíkini.

Kommuna upplýsir á heimasíðunni, at neyðugt hevur verið at latið aftur fyri vatnleðingini á Grønabóli í Klaksvík.

- Hetta ávirkar alla eystursíðuna í Klaksvík, har nøkur missa vatnið heilt ímeðan onnur koma at uppliva avmarka trýst á vatnleiðingina.

Ógreitt er, júst hvat er hent, og óvist er eisini, nær vatnið kemur aftur.