Ein koyrdi ávirkaður

Løgreglan hevði í gjár og í nátt málrættað átøk móti rúsdrekka og rúsevniskoyring, og lítið var at finna.

60 bilar vórðu steðgaðir í norðurøkinum sum umfatar Norðoyggjar og Eysturoynna, og í einum føri var eitt mál skrivað um rúsdrekkakoyring. Í einum øðrum føri fekk ein bót fyri niðurslitin dekk.

15 bilar vórðu steðgaðir í Havn, men har vísti alt seg at vera í ordan.

Annars hevur verið friðarligt hjá løgregluni higartil á páskum.