EB-bygningurin reistur

Týsdagin var reisigildi á Eiði í sambandi við at uppíbygningurin til ítróttahøllina nú varð reistur.

Bygningurin skal brúkast sum høli hjá Eiðis Bóltfelag, men ætlanin er eisini, at bygningurin skal vera til gagns fyri allar borgarar í kommununi, skrivar Eiðis kommuna á heimasíðuni.

Tað er lokala byggifyritøkan, Hammersmíð, ið stendur fyri arbeiðinum.

Ætlanin er, at ein partur av húsinum skal vera klárur at taka í nýtslu, tá hondbólturin byrjar aftur eftir summarfrítíðina.

Les meira og sí fleiri myndir á heimasíðuni hjá Eiðis kommunu