Margreta drotning fingið ballónviðgerð í hjartanum

Margreta drotning, sum í gjár varð løgd inn á Ríkissjúkrahúsið við hjartatrupulleikum, hevur nú verið undir skurði.

Hon hevur fingið ballónvíðkan av krúnulívæðrini í hjartanum, boðar kongshúsið frá í tíðindaskrivi.

86 ára gamla drotningin verður – sum ætlað – liggjandi á Ríkissjúkrahúsinum í nakrar dagar afturat.

Hon klárar seg væl, skrivar Kongshúsið.

Danmarks Radio skrivar frá egna heilsuserfrøðingi sínum, Peter Qvortrup Geisling, lækna, at talan er um eina heilt vanliga skurðviðgerð.

- Hetta er ein lítil operstión, sum umleið 10.000 danir fáa hvørt einasta ár, situr hann.

Drotningin varð innløgd seinnapartin í gjár við hjartakrampum, og tá ljóðaði, at hon skuldi vera liggjandi á sjúkrahúsinum um vikuskiftið.

Krampar í hjartanum, eisini kallað ‘angina pectoris’ íkoma tá hjartað ikki fær nóg mikið av súrevni. Vanligasta orsøk til hetta er, at krúnulívæðrarnir eru kálkaðir orsaka av ov nógvum kolesterol.

Trongi í krúnulívæðrini kann viðgerast bæði við heilivági og við eini ballón og stenti, so at blóðrenslið rennur aftur sum tað skal. Hetta er eisini við til at forða fyri blóðtøppum.