Ingi Samuelsen
Aðru nátt á rað hevur Ukraina í nátt sent dronur móti russiska høvuðsstaðnum, Moskva. Tað boðar russiska verjumálaráðið og Sergej Sobjanin, borgarstjóri frá, sambært Reuters tíðindastovuni.
Sambært verjumálaráðnum hevur russiska loftverjan í nátt oyðilagt 17 ukrainskar dronur.
Ein teirra hevði kós móti Moskva, meðan 13 dronur vórðu tileinkisgjørdar yvir landslutinum Kaluzjskaja, beint eystan fyri høvuðsstaðin.
Sobjanin borgarstjóri skrivar á boðtænastuni Telegram, at bjargingarlið eru send út til økið har dronan datt niður. Ongar fráboðanir eru um dripin ella særd í sambandi við dronuna, ið varð skotin niður á veg móti Moskva. Sambært Reuters gevur Russland tó sjáldan fult yvirlit yvir skaðarnar í sambandi við slík ukrainsk álop í landinum.
Tær seinastu tríggjar dronurnar vórðu tileinkisgjørdar yvir Brjansk landslutinum í vestara parti av Russlandi, skrivar Ritzau.
Guvernørurin í økinum, Aleksandr Bogomaz, sigur á Telegram, at ein sivilpersónur er innlagdur á sjúkrahús orsaka av niðurdotnum dronum.
Bæði Russland og Ukraina verða skuldsett fyri at leypa á sivilfólk í krígnum, sum nú gongur á fjórða ári. Bæði lond vísa skuldsetingunum aftur, skrivar Ritzau.
Vinarliga broyt tínar kennifíla - og privatlívsstillingar fyri at síggja hetta innihald