Ingi Samuelsen
Aldri fyrr hevur amerikanski veljarin haft eitt meira greitt val at velja, millum tveir flokkar og tvær politiskar leiðir.
Tað heldur Donald Trump, amerikanskur forseti, sum í røðu til floksfundin hjá republikanska flokkinum í nátt okkara tíð alment tók av áheitanini um at stilla uppaftur til forsetavalið í november.
- Við einum hjarta fylt við takksemi og óendaligum bjartskygni taki er við djúpum takksemi við hesi tilnevning, segði Donald Trump. Røðan varð hildin uttan fyri Hvítu Húsini í Washington, har ein stórur skari av viðhaldsfólki varð savnaður, men eisini ein hópur av mótmælisfólkum.
Í røðuni legði Donald Trump, forseti, eisini eftir demokratiska mótvalevninum, Joe Biden, ið varð skýrdur ein, ið ”oyðileggur amerikanska stórleikan”.
Forsetavalið verður 3. november.
Vinarliga broyt tínar kennifíla - og privatlívsstillingar fyri at síggja hetta innihald