Svøríki: Abbabørn hjá konginum ikki longur partur av kongshúsinum

Svenski kongurin, Carl Gustaf hevur tikið avgerð um, at børnini hjá Madeleine prinsessu og hjá Carl Philip prinsi ikki longur eru partur av kongshúsinum.

Hesum boðar svenska kongshúsið frá í tíðindaskrivi í dag.

Madeleine prinsessa eigur trý børn - Leonore, Nicolas og Adrienne.

Carl Philip prinsur eigur tvey børn - Alexander og Gabriel.

At hesi ikki longur eru partur av kongshúsinum merkir, at tey fara ikki at hava nakrar kongarligar skyldur framyvir, hóast tey framvegis eru partur av kongaligu familjuni.

TV2 skrivar, at svenska kongshúsið fer at greiða frá orsøkini á tíðindafundi seinni í dag.