Brimheim kann vinna tónleikavirðisløn Norðurlandaráðsins

35-ára gamla Helena Heinesen Rebensdorff hevur seinastu árini av álvara gjørt vart við seg á tónleikapallinum.

Hon kemur frá einari familju, sum hevur tikist nógv við tað listarliga - millum annað at yrkja og framføra,

Helena hevur listanavnið Brimheim, og tað er kent í millum annað Norðanlondum.

Brimheim kann nú enda við at fáa stóran norðurlendskan heiður. Kringvarpið skrivar dag at siga, og føroyski sangarin og sangskrivarin er í uppskoti tónleikavirðisløn Norðurlandaráðsins.

Umframt stóra heiðurin fær vinnarin 300.000 krónur og eitt steyp. Brimheim er í uppskoti saman við tíggju øðrum tónleikarunum - eitt ljómlið er tað síðsta, sum er í uppskoti: Trondheims Jazzorkester.

Norðurlandaráðið hevur í dag kunngjørt tey, sum eru í uppskoti. Sí listan HER

Tað er ikki fyrrenn um fimm mánaðar, 21. oktober, at vinnarin verður kunngjørdur. Hetta verður í Stokkhólmi.

Heilt síðani 1965 hevur hesin heiðurin verið latin.

Brimheim var á FMA fyrr í ár heiðrað sum ársins føroyska tónleikaskald. Eisini vann hon ársins útgávu.

Brimheim fegnast við sínum báðum heiðrum í Varpinum (Myndir: Jens Kr. Vang)