Bíligari og burðadyggari valmøguleiki

Krás hevur framleitt nýtt slag av malnum oksa- og svínakjøti, har 25 prosent av vøruni er gularót

Altjóða prísurin á kjøti er hækkaður nógv seinastu árini, og tí er hetta eitt bíligari alternativ til siðbundna malna kjøtið.

Samstundis er hetta ein meira umhvørvisvinarlig loysn, tí framleiðsla av kjøti útletur meira CO2 enn framleiðslan av grønmeti.

Ásbjørn A. Midjord, leiðari á Krás í Hósvík, fegnast um at kunna bjóða nýggju vøruna og sigur, at “uttanlands er henda vøran vorðin alsamt meira vanlig sum ein bíligari og burðadyggari valmøguleiki til malna kjøtið, og tí ynskja vit at vita um undirtøka er fyri hesum øðrvísi møguleikanum í Føroyum”.

Nýggja vøran hóskar væl til eitt nú kjøtsós, taco, pastarættir og hakkibúffar, og er nú at fáa í Á-handlunum og Samkeyp.

Vanligur prísur er umleið 400 gramm fyri 40 krónur, svarandi til 100 krónur fyri kilo.