Innanlands

Bíbliuskúlin PODAS á níggju støðum um landið

Hetta er 13. árið á rað farið verður undir nýggjar Podas-flokkar um landið. Hetta skúlaárið verða PODAS flokkar á níggju støðum um landið

2021-10-20 12:57 Author image
Innsent
placeholder

”PODAS Ekklesias” er ætlað teimum, sum vilja vera Jesu lærusveinar og vaksa í trúnni. PODAS er ein føroyskur bíbliuskúli, sum byggir á Fólkakirkjunnar lærugrundarlag, og tað eru prestar, trúboðarar og onnur, sum undirvísa um læru og lív, eins og missión og leiðslu.

Skúlin er í høvuðsheitum ein kvøldskúli, tveir tímar um vikuna í tíðarskeiðnum frá oktober til apríl. Frálæran byrjar ein av fyrstu døgunum. Enn er tíð og pláss at tekna seg til skeiðini.

Hesi árini, Podas hevur virkað, hava fleiri enn 700 fólk gingið á Podas, bæði ung og eldri, kvinnur og menn, roynd í trúnni og óroynd.

Níggju flokkar um landið
Hvalba: Podas fyri Øll er fyri tey, sum ikki hava tikið PODAS áður. Skeiðið verður í Hvalbiar Missiónshúsi frá 2. november kl. 19.30.

Floksleiðarar eru: Jógvan Højgaard, Katrin Mortensen, Bergfríð og Johan Sørin Berg.

Eiði: PODAS 1 verður í Missiónshúsinum Karmel. Byrjað verður 27. oktober kl. 19.00.

Floksleiðarar eru: Jonhard Jógvansson og Katrin Højsted.

Toftir: PODAS 1 verður í Missiónshúsinum Tabor. Byrjað verður 25. oktober kl. 17.00.

Floksleiðarar eru: Randi Joensen, Kristianna Johannesen og Jóhannus Mikkelsen.

Klaksvík: PODAS 1 verður í KFUM/K. Byrjað verður 26. oktober kl. 17.00.

Floksleiðari er: Rannvá Langaard.

Klaksvík: PODAS 2 verður í Emmaus. Byrjað verður 28. oktober kl. 19.00.

Floksleiðarar eru: Hjalmar Waag Arge og Hjørleif Poulsen.

Leirvík: PODAS 2 verður í Missiónshúsinum. Byrjað verður 25. oktober kl. 19.30.

Floksleiðarar eru: Ove Heinesen, Tummas Kannuberg og Brandur Sjúrðarson.

Sandavágur: PODAS 2 verður í Meinigheitshúsinum Saron. Byrjað verður 27. oktober kl. 19.00.

Floksleiðarar eru: Gunnar Nattestad og Ingolf Johannesen.

Tórshavn: PODAS 3 verður í Vesturkirkjuni. Byrjað verður 3. november kl. 17.30.

Floksleiðarar eru: Liljan og Kim Leo Midjord.

Skála: PODAS 3 verður í Kirkjukjallaranum. Byrjað verður 1. november kl. 19.30.

Floksleiðarar eru: Mary Petersen og Carsten Fonsdal Mikkelsen.

Bøkur og tilfar fæst við skúlaársbyrjan. Tilmeldingarfreistin er ymisk frá stað til stað; men freistin er við at ganga út á flestu støðum. Tilmelding á heimasíðuni www.podas.fo.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder