Mentan

Bergtóra Høgnadóttir heldur flaggdagsrøðuna sunnudagin

Flaggdagshaldið hjá Havnar Hornorkestri byrjar sunnudagin kl. 15

Bergtóra Høgnadóttir (Mynd: Eyðna Joensen)

Bergtóra Høgnadóttir (Mynd: Eyðna Joensen)

2021-04-23 17:15 Author image
Alda Nielsdóttir
placeholder

Sunnudagin 25. apríl verður árliga flaggdagshaldið hjá Havnar Hornorkestri í Havn. Røðari í ár er Bergtóra Høgnadóttir, skrivar Hornorkestrið í tíðindaskrivi.

Bergtóra Høgandóttir er Havnakvinna – hon hevur búð í Havn, á Argjum og í Hoyvík. Eisini hevur hon buð í Keypmannahavn í 10 ár.

Fyrstu arbeiðsroyndir hennara vóru sum gøtusópari í Havn, og eisini arbeiddi hon sum ung á Kondittaríðnum og vaskaði á Landssjúkrahúsinum. Seinastu árini hevur hon verið HR-leiðari hjá SEV, og stundum heldur hon fyrilestrar um eitt nú trivna og arbeiðsgleði.

Bergtóra er útbúgvin sosialráðgevi og hevur eina master í postivari sálarfrøði. Hon er 50 ár og eigur vaksnar tvíburardøtur.

Flaggdagshald varð hildið í Havn í 1941 og 1942, men so var steðgur í nøkur ár,
áðrenn Havnar Hornorkestur aftur byrjaði síni flaggdagshald í 1947. Hornorkestrið hevur síðani skipað fyri flagghaldi í høvuðsstaðnum á hvørjum ári.

Flaggdagshaldið í ár verður klokkan 15 á Vaglinum. Áðrenn flaggdagshaldið gongur hornorkestrið saman við skótunum oman á Vaglið.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder