Beinir Johannesen til forhoyr í Frihedsbrevet: Vit eru ikki “Miðflokkurin Light”

Hóast ein samdur Fólkaflokkur á tingi atkvøddi ímóti lógini um fría fosturtøku, tekur Beinir Johannesen, formaður í Fólkaflokkinum, ikki undir við, at Fólkaflokkurin er blivin sum ein onnur útgáva av Miðflokkinum.

“Tú kanst lesa okkara valskrá”, sigur Beinur Johannesen, tá hann verður spurdur av Barbaru Holm um virðispolitiska grundarlagið hjá flokkinum.

Videobrotið omanfyri úr longri samrøðu, sum journalistarnir hjá Frihedsbrevet, Barbara Holm og Jan Lamhauge, hava við Beinir Johannesen, formann í Fólkaflokkinum. Hvønn dag hesa vikuna, senda tey longri samrøður við forfólkini, har hesi fáa stillaðar hvassar spurningar um tað tey lova. Tað krevur hald at hoyra longri samrøðurnar.

Hoyr alla samrøðuna her