Avtala við Herlev og Gentofte um bróstkrabbaviðgerð

Landssjúkrahúsið hevur síðani juni mánað arbeitt við at gera avtalu við Herlev/Gentofte Hospital um bróstkrabbaviðgerð. Herlev/Gentofte er partur av Region Hovedstaden.

Avtalan er komin í lag, eftir at Aalborg Universitetssjúkrahús í juni boðaði frá, at avtalan við Landssjúkrahúsið um bróstkrabbasjúklingar varð uppsøgd frá 1. september 2025.

Sjúklingar verða sum áður kannaðir á Landssjúkrahúsinum, og er tørvur á viðgerð, fer hendan fram á Krabbameinsdeildini á Herlev Hospital.

Deildin fyri krabbaviðgerðir á Herlev/Gentofte Hospital er ein av størstu og fremstu deildunum innan krabbaøkið í Danmark. Á deildini eru áleið 560 fólk í starvi og hava tey altjóða serkunnleika innan krabbameinsviðgerð. Landssjúkrahúsið hevur lagt seg eftir at gera eina dygdargóða avtalu, ið livir upp til dagsins krøv innan krabbameinsviðgerð. Tí er gleðiligt, at hendan avtalan nú er undirskrivað, sigur Landssjúkrahúsið.

Uppihald verður framhaldandi veitt sjúklingum, ið skulu til skurðviðgerð í Herlev, ímeðan teir eru í viðgerð.