Avhoyringar halda fram í dag

Løgreglan kannar framvegis eldin, sum kyknaði í einum sethúsum í Hornabø í Havn sunnukvøldið í farnu viku, men eingin illgruni er um, at eldurin varð ásettur, sigur vaktleiðarin á løgreglustøðini í Havn við miðlarnar í morgun.

Allar avhoyringar eru ikki gjørdar enn, og skal ein persónur avhoyrast í dag. Talan er um ein av persónunum, sum var inni í bygninginum, tá eldur kom í.

Tað hevur verið uppá tal at fáa hjálp úr Danmark til kanningarnar, men tað verður ikki mett neyðugt enn, verður sagt av løgreglustøðini.

Sí eisini: Myndir: Stóri eldurin í Hornabø