Ávara um nógv vatn á vegnum

Í løtuni er sera nógv vatn á vegastrekkinum frá rundkoyringini í Leirvík móti Norðoyatunlinum.

Tilbúgvingin í Eysturkommunu og løgreglan heita í hesum sambandi á bilførarar um at koyra varliga á hesum strekkinum.

Tað skrivaði løgreglan í fráboðan á Facebook fyri løtu síðani.

Dagføring kl. 16.02: Trupulleikin í Leirvík er fyribils loystur, og ferðslan koyrir aftur sum vanligt, sigur løgreglan.