Átta klipp og tvær treytaðar frádømingar

Leygardag seinnapart var løgreglan úti og kannaði ferðsluna á Glyvursvegi á Argjum – eitt strekki, har tað verður sagt, at nógvir bilførarar koyra ov skjótt.

Vegastrekkið er í bygdum øki, har tað bert er loyvt at koyra 50 km/t, men kortini vóru fleiri, sum koyrdu skjótari enn hetta, sigur vaktleiðarin á politistøðini.

Tíggju mál vórðu skrivað. Átta bilførarar fingu klipp í koyrikortið, og tveir fingu eina treytaða frádøming, sum merkir at teir noyðast upp til nýggja koyriroynd.