Átta bilførarar fingu bót í gjár

Í gjárkvøldið gjørdi løgreglan ferðslukanningar í Norðurøkinum, og í hesum sambandi fingu eini átta bilførarar bót fyri ymisk lógarbrot.

Bilførararnir vórðu m.a. tiknir fyri at koyra uttan ljós, við tokuljósum, og niðurslitnum dekkum. Eisini varð ein bilførari, ið ikki hevði koyrikortið uppiá sær, sigur løgreglan.

Í nátt varð ein bilførari eisini tikin í Havn. Her var talan um ein bilførara, sum ikki hevði koyrikort.